मुख्य समाचार
समाचार
स्वास्थ्य
जीवनशैली
-
नीमको पातदेखि दालचिनीसम्म : औषधिय गुणले भरिपूर्ण हाम्रो भान्सा
अक्सर हाम्रो भान्सामा अटुट रहने बेसार, लसुन, अदुवा, तेजपत्ता, अलैची, सुकुमेल, मरिच स्वाद र सुगन्धका लागि मात्र उपयुक्त छैनन् । औषधिय गुणले भरिपूर्ण पनि छन् । खासगरी शरीरको रोग प्रतिरोधी क्षमता बढाउनका लागि यस्ता खानेकुरा एवं मरमसला निकै उपयोगी सावित भएका छन् ।
त्यससँगै हामीले आफ्नो भान्सामा अरु यस्ता कुराहरुलाई पनि समावेश गर्न सक्छौं, जसले हामीलाई रोगको संक्रमणबाट बच्न सहयोग गर्छ । जस्तो, ग्रीन टि, केसरयुक्त दुध इत्यादि ।
नीमको पात
नीमको पात सहजै उपलब्ध हुन्छ । त्यसो त नीमको पातदेखि बिज, बोक्रा सबै स्वास्थ्यका लागि फाइदाजनक मानिन्छ । दाँतको सफाईमा नीमको दातुन उत्कृष्ट बिकल्प हो । हुन त नीमको पात सोझै सेवन गर्दा धेरै तीतो हुनसक्छ । त्यसलाई पिसेर गोली बनाउने । अतः नियमित रुपमा खाली पेटमा सेवन गर्नुपर्छ ।
यसले रगत शुद्धिकरण गर्छ, प्राकृतिक रुपमा । रोग प्रतिरोधी क्षमता बढाउँछ । साथै छाला सम्बन्धी समस्या पनि हटाउँछ । नीमको पात मिश्रण गरिएको पानीले नुहाउँदा छालाको रोग लाग्दैन ।
केसरयुक्त दुध
केशरयुक्त दुधको सेवनले शरीरमा ताकत मिल्छ । यसले छाला, केस, आँखामा राम्रो प्रभाव पार्छ । साथसाथै केसरयुक्त दुधको सेवन यौन दुर्बलतामा पनि फाइदाजनक मानिन्छ । गर्भवतीले केसर मिश्रित दुध पिउनु राम्रो हो । यसले आमा र गर्भको बच्चा दुबैलाई फाइदा गर्छ ।
अदुवाको सेवन
अदुवा, भान्सामा सजिलै पाइन्छ । यसले तरकारीको स्वाद त बढाउँछ नै, स्वस्थ्यका लागि फाइदाजनक पनि हुन्छ । खासगरी चिसोले सताएको छ भने अदुवाको चिया बनाएर पिउनुपर्छ । बाह्य चोट पटकमा समेत औषधीको काम गर्छ यसले । केस झर्नबाट रोक्न, केस उमार्न अदुवाको रस उपयोगी हुन्छ ।
तुलसीको पात
तुलसी त आर्युवेदमा अति महत्वपूर्ण वनस्पती मानिन्छ । यसलाई हामी घर आँगनमा रोपेर पूज्ने पनि गर्छौ । वास्तवमा तुलसी बहुगुणी वनस्पती हो । दैनिक ५–७ वटा तुलसीको पात खानाले रोग प्रतिरोधात्मक क्षमता बढ्छ । चिसो वा रुँघामा तुलसीको चिया बनाएर सेवन गर्नुपर्छ, फाइदा गर्छ ।
दही
दहीमा यस्तो सुष्म ब्याक्टेरिया पाइन्छ, जो पाचन यन्त्रका लागि अति फाइदाजनक मानिन्छ । दहीको सेवनले पेट सम्बन्धी रोगबाट छुटकारा मिल्छ । यद्यपी दही बिहान वा मध्यन्हको खानामा मात्र सेवन गर्नुपर्छ । राती दही सेवन गर्नु हानिकारक मानिन्छ ।
ग्रीन टि
ग्रीन टि एन्टिअक्सिडेन्टको सबैभन्दा राम्रो स्रोत हो । पेट सफा राख्न, रगतको शुद्धिकरणका लागि समेत ग्रीन टि उपयोगी हुन्छ । ग्रीन टिमा यस्तो तत्व हुन्छ, जसले शरीरमा रोगसँग लड्ने क्षमता बढाउँछ । यो छाला, केस, हड्डी स्वस्थ्य राख्न प्रभावकारी मानिन्छ । ग्रीन टिमा एन्टि क्यान्सर गुण समेत हुने अध्ययनहरुबाट थाहा भएको छ ।
गहुँको पातको रस
गहुँको पातको रस निकै उपयोगी हुन्छ, स्वास्थ्यका लागि । यद्यपी धेरै कमलाई मात्र यसबारे थाहा छ । गहुँको पातको रसले खासगरी दम, गलाको इन्फेक्सन, चिसो, रुँघा, पखला लाग्नबाट बचाउँछ ।
बेसार
धेरैले बेसारलाई सामान्य मसालको रुपमा लिन्छन्, जसले सब्जीको रंग र स्वादमा प्रभाव पार्छ । यद्यपी बेसार मसला मात्र होइन, यो उत्तिकै औषधिय गुणले भरिपूर्ण छ । बेसारले शरीरको प्रतिरक्षा प्रणाली बलियो बनाउँछ । शरीरको दुखाई कम गर्न पनि यो उपयोगी हुन्छ । केस, छालाको सौन्दर्य निखार्न समेत बेसारको प्रयोग गर्न सकिन्छ ।
दालचिनी
दालचिनी धेरै परिकारको स्वाद बढाउन प्रयोग गरिन्छ । यसको सेवनले स्वाद मात्र बढ्दैन, रोग प्रतिरोधात्मक क्षमता पनि बढाउँछ । यसको सेवनले ब्लड शुगर लेभल नियन्त्रणमा सहयोग पुग्छ । त्यसैले खानामा दालचिनीको प्रयोग लाभदायक हुन्छ ।
लसुन
लसुन, जो दिनहुँ भान्सामा प्रयोग हुन्छ । यसलाई पकाएर वा काँचो खान सकिन्छ । लसुनमा भिटामिन बि–६, भिटामिन–सि, आइरन र फस्फोरस जस्ता तत्व पाइन्छ । यसमा एन्टि फंगल र एन्टि ब्याक्टेरियल गुण पनि पाइन्छ । लसुनको सेवनले रोग प्रतिरोधात्मक क्षमता बढाउँछ ।
ड्राइ फुड्स
नियमित रुपले ड्राई फुड्स सेवन गर्नुपर्छ । काजु, बदाम आदिको सेवनले पनि रोग प्रतिरोधात्मक क्षमता बढाउँछ । ड्राई फुड्समा ओमेगा–३ फ्याटी एसिड, जिंक, म्याग्नेसियम, भिटामिन इ जस्तो तत्व पाइन्छ ।
भिटामिन सि युक्त खानेकुरा
कागति, सुन्तला, अमला, किवी जस्ता फल भिटामिन सिको राम्रो स्रोत हुन् । यस्ता फलको सेवनले पनि रोगसँग लड्ने क्षमता बृद्धि गर्छ ।
मौसमी फल
प्राकृतिले हाम्रो शरीरको आवश्यक्ता अनुसार फलहरु दिएका छन् । जुन मौसममा, शरीरलाई जस्तो पोषण तत्व आवश्यक हुन्छ । त्यही अनुसार फलहरु प्राप्त हुन्छ । त्यसैले मौसम अनुसार फल सेवन गर्नुपर्छ । फलले शरीरमा रोग प्रतिरोधात्मक क्षमता बढाउन मद्दत गर्छ ।
अन्तराष्ट्रिय
-
घुसपैठ भएपछि चिनियाँ गस्ती जहाजलाई जापानी कोस्ट गार्डको चेतावनी
टोकियो । जापान कोस्ट गार्डले आइतबार पूर्वी चीन सागरको सेन्काकू टापुमा जापानको क्षेत्रीय पानीमा घुसपैठ भएको पाएपछि दुई चिनियाँ गस्ती जहाजलाई चेतावनी जारी गरेको छ ।
कोस्ट गार्डले चिनियाँ गस्ती जहाजले बारम्बार जापानी माछा मार्ने डुंगामा पुग्न खोजिरहेको र त्यसको जवाफ दिइने चेतावनी दिएको छ ।
क्षेत्रीय पानीभन्दा ठीक बाहिर यात्रा गरिरहेका तीन चिनियाँ जहाजहरूमध्ये दुईले आइतबार बिहान ११ बजे भन्दा पहिले ताइसो टापुमा प्रवेश गरेको र साँझसम्म उक्त क्षेत्रमै रहेको अधिकारीहरूले पुष्टि गरेका छन् ।
कोस्ट गार्डले दुई गस्ती जहाजहरूलाई तुरुन्तै जापानको जहाजहरू छोड्नसमेत चेतावनी जारी गरेको छ ।
एनएचके वर्ल्डका अनुसार अगस्त २ पछि चिनियाँ सरकारले जापानको क्षेत्रीय पानीमा यस वर्ष १८ औं पटक प्रवेश गरेको हो ।
चीनले अमेरिका-चीन तनाव बढ्दै गएको केही महिनामा दक्षिण चीन सागर र पूर्वी चीन सागर दुबैमा आफ्नो समुद्री गतिविधिहरू बढाइरहेको छ ।
यी घुसपैठहरूलाई अमेरिकासहित विभिन्न मुलुकहरुले निन्दा गरेका छन् । उक्त सागरमा सैन्य अभ्याससमेत गरिने जापानको चेतावनी छ ।
