Monday, November 29, 2021
Google search engine
Homeआर्थिक२ खर्ब ले बढ्यो बैंकहरुको कर्जा लगानी

२ खर्ब ले बढ्यो बैंकहरुको कर्जा लगानी

शेयर गर्नु होस

काठमाडौं । यस आर्थिक वर्षको पहिलो तीन महिनामा कमर्सीयल बैंकहरुको कर्जा लगानी २ खर्ब ७८ अर्ब रुपैयाँ भन्दा धेरैले बढेको छ ।
चालु आर्थिक वर्षको पहिलो तीन महिनामा नै बैंकहरुले २ खर्ब ७८ अर्ब १६ करोड रुपैयाँले कर्जा लगानी बढाएको नेपाल बैंकर्स संघले जनाएको छ ।
गत असार मसान्तसम्म बैंकहरुको कर्जा लगानी ३७ खर्ब २० अर्ब ६ करोड रुपैयाँ रहेको थियो । असोज मसान्त्सम्म आइपुग्दा बैंकहरुको कर्जा लगानी बढेर ३९ खर्ब ९८ अर्ब २२ करोड रुपैयाँ पुगेकोछ ।
यो अवधिमा सबैभन्दा धेरै कर्जा लगानी ग्लोबल आइएमई बैंकले बढाएको छ भने सबैभन्दा कम लगानी विस्तार सिभिल बैंक र नेपाल बंगलादेश बैंकले गरेका छन् ।
कर्जा लगानीमा आक्रामक देखिएका बैंकहरुले यस अवधिमा निक्षेप भने राम्रो संकलन गर्न सकेनन् ।
जति निक्षेप संकलन हुन्छ त्यो भन्दा कममात्रै कर्जा लगानी गर्नु पर्ने भए पनि बैंकहरुले कर्जा लगानीको आधा रकम पनि निक्षेप संकलन गर्न सकेका छैनन् ।
तीन महिनाको अवधिमा बैंकहरुको निक्षेप ६३ अर्ब ७४ करोड रुपैयाँलेमात्रै वृद्धि भएको बैंकर्स संघले जनाएको छ ।
गत असार मसान्तमा ४२ खर्ब ४ अर्ब ९१ करोड रुपैयाँ निक्षेप रहेको बैंक्हरुमा असोजमसान्तसम्म आइपुग्दा भने ४२ खर्ब ६८ अर्ब ६५ करोड रुपैयाँमात्रै देखिएको छ ।
कात्तिकमा भने यो अवस्थामा केही सुधार हुने देखिएको छ ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: