Monday, November 29, 2021
Google search engine
Homeअन्तराष्ट्रियसुडानमा प्रधानमन्त्री र मन्त्रीहरु नै पक्राउ !

सुडानमा प्रधानमन्त्री र मन्त्रीहरु नै पक्राउ !

शेयर गर्नु होस

खार्तुम : सुडानको सेनाले प्रधानमन्त्री अब्दल्लाह ह्यामडकसहित मन्त्रिपरिषद्का सदस्यहरुलाई पक्राउ गरेको छ । सोमबार साँझ उनीहरुलाई सेनाले नियन्त्रणमा लिएको अलजजिराले जनाएको छ ।

स्रोतका अनुसार प्रधानमन्त्री ह्यामडकसहित उद्योगमन्त्री इब्राहिक अल सेइख, सूचनामन्त्री हम्जा बलौल र प्रधानमन्त्रीका सूचना सल्लाहकार फैसल मोहम्मद सलेह समेत पक्राउ परेका छन् । नाम उल्लेख नगर्ने सर्तमा सुडानका एक अधिकारीले एसोसिएटेड प्रेसलाई पक्राउको पुष्टि गरे ।

गत महीना असफल कूको प्रयास भएपछि सुडानमा राजनीतिक अस्थिरता चुलिएको छ । त्यहाँ लामो समयदेखि शासनमा रहेका नेता ओमार अल बसिर सत्ताच्युत भएपछि शक्ति बाँडफाँटलाई लिएर सेना र जननिर्वाचित सरकारबीच तनाव चुलिँदै आएको छ । सन् २०१९ मा भएको सडक प्रदर्शनपछि अल बसिर पदबाट हटेका थिए ।

उनी सत्ताबाट हटेपछि त्यहाँको राजनीतिक संक्रमणलाई अन्त्य गर्न सन् २०२३ मा चुनाव गर्ने सहमती जुटेको थियो । अलजजिराका अनुसार सबै संचारमाध्यम काटिएपछि संचारसम्पर्क गर्न मुस्किल भएको छ । सेनाले खार्तुम सहरसँग जोडिने सबै सडक र पुलहरु पनि अवरुद्द गरेको छ ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: