Monday, November 29, 2021
Google search engine
Homeदेशयसवर्ष लक्ष्मी पूजाको दिन लोडसेडिङ नहुने

यसवर्ष लक्ष्मी पूजाको दिन लोडसेडिङ नहुने

शेयर गर्नु होस

काठमाडौं । यसवर्ष लक्ष्मी पूजाको दिन लोडसेडिङ नहुने नेपाल विद्युत् प्राधिकरणले जनाएको छ । प्राधिकरणका कार्यकारी निर्देशक कुलमान घिसिङले तिहारको समयमा यसपटक लोडसेडिङ अथवा बत्ती काट्नुपर्ने अवस्था नआउने बताएका हुन् ।

उनका अनुसार लक्ष्मी पूजाका दिन जति उपकरण चलाए पनि समस्या हुने छैन । लक्ष्मी पूजाको दिन बढी विद्युत खपत हुने उद्योग धन्दा, कलकारखाना बन्द हुने हुँदा कुलेखानी जलाशयलाई भार नदिइकनै उच्च माग व्यवस्थापन गर्न सकिने उनले बताए ।

तिहारको लक्ष्मी पूजाको दिन विद्युतको उच्च माग १५ सय मेगावाट हाराहारीमा रहने प्रक्षेपण प्राधिकरणको छ । अहिले प्रसारण प्रणालीमा जडित क्षमता २ हजार मेगावाट माथि रहेको र आन्तरिक उत्पादनले नै माग व्यवस्थापन गर्न सकिने प्राधिकरणका कार्यकारी निर्देशक घिसिङले बताए ।

अहिले मिटरको सामान, ट्रान्फरमर, तार लगाएतका बस्तुको अभाव भएका कारण थप बिधुतिकरणका साथै मागेकै समयमा मिटर उपलव्ध गराउन नसकिएको उनको भनाई छ । त्यस्तै वितरण प्रणालीको सुधारका लागि चाँडै ३ हजार नयाँ ट्रान्सफर्मर खरिद गर्न लागिएको उनले बताए ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: