प्रदेश २ : १० किलो चरेससहित एक महिला पक्राउ

प्रहरीले पर्साबाट एक महिलालाई लागुऔषध चरेस सहित नियन्त्रणमा लिएका छन् ।

जिल्लाको वीरगञ्जबाट लागूऔषध चरेससहित पिपरीया परेवा नगरपालिका–९ रौतहटकी ४२ वर्षीया रंजु देवी पक्राउ परेकी हुन् ।

रंजुलाई वीरगञ्ज महानगरपालिका–१६ शंकराचार्य गेटमा प्रहरीको नियमित चेकिङ टोलीले बुधबार साँझ पक्राउ गरेको थियो । नेपालबाट भारतको रक्सौलतर्फ पैदल जाने क्रममा जाँच गर्दा उनको साथबाट १० किलो चरेश फेला परेको प्रहरीले जनाएको छ ।

जिल्ला प्रहरी कार्यालय पर्साका प्रहरी प्रवक्ता प्रहरी नायव उपरीक्षक ओम प्रकाश खनालले महिलाले ढाड, खुट्टामा पहेलो रंगको कपडाको डोरीले बाँधी अड्काई राखेको र ज्याकेटको दुबै तर्फको खल्तीबाट चरेशको प्याकेट फेला परेको जानकारी दिए ।