शेयर गर्नु होस

हुनजा । पाकिस्तान सेना प्रमुख जनरल कामर जाभेद बाजवाको पाकिस्तानको नियन्त्रणमा रहेको काश्‍मीर (पीओके) भ्रमणका क्रममा बृहत विरोध प्रदर्शन गरिएको छ ।

सेना प्रमुखको भ्रमणकै क्रममा अलीअन्दाबाद हुन्जामा सन् २०११ मा जेलमा परेका राजनीतिक नेता बाबा जानलगायत १४ स्थानीय व्यक्तिलाई रिहाको माग गर्दै बृहत प्रदर्शन गरिएको हो ।

आन्दोलनकारीहरूले उनीहरूको मागलाई स्वीकार नगरेसम्म आन्दोलन जारी राख्‍नेसमेत जनाएका छन् । सेना प्रमुख बाजवाले मंगलबार गिलगिटमा विशेष सञ्‍चार संगठन (एससीओ) को पहलमा रहेको अत्याधुनिक सफ्टवेयर टेक्नोलोजी पार्कको उद्घाटन गरेका छन् ।

कारागारमा परेका नेताहरूको रिहाइका लागि असेरन-ए-हुनजा रिहाइ कमेटीले उक्त विरोध प्रदर्शनको आह्वान गरेको हो ।

पाकिस्तान तहरीक-ए-इन्साफ (पीटीआई), पाकिस्तान पीपुल्स पार्टी (पीपीपी), पाकिस्तानी मुस्लिम लीग (नवाज) (पीएमएल-एन), धार्मिक र स्थानीय संगठनहरू र कैदीहरूका परिवारका सदस्यहरू उक्त विरोध प्रदर्शनमा सहभागी थिए । अलीबाद हुन्जाको कलेज चोक, काराकोरम राजमार्ग अवरुद्ध गर्नुका साथै कारागारमा रहेका ब्यक्तिहरुलाई न्याय प्रदान गर्न आह्वान गरिएको छ । उनीहरूले ‘हुन्जाका १४ जनालाई रिहा गर’ भन्ने नारा पनि लगाए ।

आन्दोलनकारीहरूले  अताबाद ताल प्रकोप पीडितको अधिकारका लागि आवाज उठाउँदै गरेको कुराको लागि २०११ मा बाबा जान र १३ अन्य व्यक्तिलाई आजीवन कारावासको सजाय सुनाइएको थियो ।

उनीहरूमाथि आतंकवाद विरोधी ऐन (एटीए) को आरोप लगाइएको छ । बाबा जानलाई ९० वर्षको उमेरमा पनि जेलमा राखिएका छन् ।

 

Leave a Reply

Your email address will not be published. Required fields are marked *