शेयर गर्नु होस
  • 14
    Shares

संजय यादव, १ कार्तिक
गोलबजार, सिरहा
जिल्ला प्रशासन कार्यालय सिरहाले दुर्गा मन्दिर तथा शक्तिपीठहरुमा निषेधाज्ञा जारी गरेको छ । घटस्थापनादेखि नवमीसम्म शक्तिपीठ, मन्दिरहरुमा नित्य पूजाबाहेक दर्शनको लागि जमघट हुन नदिन सूचना जारी गरेको छ । कोरोना संक्रमणको फैलदो जोखिमलाई मध्यनजर गर्दै सबै शक्ति पीठ तथा मन्दिरहरुमा नित्य पूजाबाहेक जमघट नहुने, परिवारजनबीचमात्र दसैँ मान्ने र जात्रा, मेलाहरु नगर्न निषेधाज्ञा जारी गरेको हो ।जिल्ला प्रशासन कार्यालय सिरहाले कुनै पनि भेला जमघट नगरी घरमै बसेर चाडपर्व मनाउन अनुरोध गर्दै पर्वको शुभकामना आदान प्रदान, देउसी भैलो, खेलकुद लगायतका सबै क्रियाकलाप संचालनमा बन्देज लगाएको छ । विश्वव्यापी महामारीको रुपमा फैलिएको कोभिड १९ को संक्रमण चाडबाडको बेला झनै फैलिने खतरा रहेकोले सो को नियन्त्रण गर्न निषेधाज्ञा जारी गरिएको सिरहा प्रमुख जिल्ला अधिकारी प्रदीपराज कणेलले बताए ।कोभिड १९ संक्रमण जोखिम न्यूनिकरण गरी सर्ब साधारणको स्वास्थ्य हितमा सहयोग पुर्याउन सबै स्थानिय तहका पदाधिकारी, आम सरोकारवालाहरु एवं सर्ब साधारणमा धार्मिक, सामाजिक, साँस्कृतिक सद्भाव बिथोल्ने गतिविधि नगर्न, ध्वनि प्रदुषण हुने गरी चर्को स्वरमा माइक नबजाउन, जुवा तास नखेल्न समेत अनुरोध गरेको छ ।

Leave a Reply

Your email address will not be published. Required fields are marked *