शेयर गर्नु होस
  • 19
    Shares

बारा : जिल्लाको सिम्रौनगढ नगरपालिका–९ सानो बंकुलमा चेकजाँचको क्रममा भारत बिहारको मोतिहारीस्थित पूर्वी चम्पारण दुधिअवा बस्ने २८ वर्षीय बृजकिशोर कुशवाहाले प्रहरीमाथि गोली चलाएको हो।

प्रहरीको जबाफी कारबाहीमा कुशवाहा घाइते भएका छन्।

बुधबार अपरान्ह भारतबाट नेपालतर्फ आउँदै गरेको कुशवाहामाथि शंका लागेर रोक्न खोज्दा उनले प्रहरी टोलीलाई लक्षित गरेर गोली प्रहार गरेको जिल्ला प्रहरी बाराका प्रवक्ता डीएसपी गौतम मिश्रले जानकारी दिएका छन्।

कुशवाहाले गोली चलाउने प्रयास गरेपनि ‘मिस फायर’ भएको मिश्रले बताए। प्रहरीको जबाफी कारबाहीमा कुशवाहाको बायाँ पाखुरमा गोली लागेर घाइते भएको मिश्रले जानकारी दिए।

कुशवाहाको साथबाट एक थान पेस्तोल, म्याग्जिनमा लोड गरिएको चार राउण्ड र मिस भएको एकसहित पाँच राउण्ड गोली बरामद भएको उनले बताए।

प्रहरीको गोली लागि घाइते भएका कुशवाहालाई उपचारको लागि कलैया अस्पतालमा भर्ना गरिएको छ। कुशवाहाबारे थप अनुसन्धान भइरहेको जिल्ला प्रहरी कार्यालय बाराले जनाएको छ।aayomail

Leave a Reply

Your email address will not be published. Required fields are marked *