शेयर गर्नु होस
  • 12
    Shares

काठमाडौँ  : गण्डकी प्रदेशका नेकपा सांसदले दसैं भत्ताबापतको रकम कोरोना कोषमा जम्मा गर्ने भएका छन्।

संसदीय दलका प्रमुख सचेतक मायानाथ अधिकारीले दसैं भत्ता प्रदेश सरकारको कोरोना रोकथाम तथा नियन्त्रण कोषमा जम्मा गर्ने संसदीय दलले निर्णय गरेको जानकारी दिए।

६० सदस्यीय गण्डकी प्रदेश सभामा नेकपाका ४० सांसद छन्। यसअघि कांग्रेस र जनमोर्चाका सांसदले दसैं भत्ताबापतको रकम फिर्ता गर्ने निर्णय गरेका थिए।

गण्डकीमा कांग्रेसका १५ र राष्ट्रिय जनमोर्चाका तीन सांसद छन्। बाँकी दुई सांसद जनता समाजवादी पार्टीका हुन्। जनता समाजवादी पार्टीका सांसदले भत्ताबारे कुनै प्रतिक्रिया जनाएका छैनन्।

गण्डकी प्रदेशका मुख्यमन्त्री र मन्त्रीहरुले दसैं भत्ता कोरोना कोषमा जम्मा गर्ने मन्त्रिपरिषदबाट निर्णय गरिसकेका छन्।

आज बिहान बसेको मन्त्रिपरिषद बैठकले मुख्यमन्त्रीसहित सात मन्त्रीलाई आउने दसैंबापतको भत्ता कोभिड कोषमा जम्मा गर्ने निर्णय गरेको हो।

सबैले तलब बराबर आउने भत्ता प्रदेश सरकारको कोरोना कोषमा जम्मा गरेका हुन्। गण्डकीमा मुख्यमन्त्रीको तलब ७० हजार सात सय ३० रुपैयाँ र मन्त्रीको ६० हजार तीन सय २० रुपैयाँ छ।

गण्डकी प्रदेशका प्रदेश सभा पदाधिकारीलाई २७ लाख रुपैयाँ दसैं भत्ताबापत खातामा पठाइएको थियो। देश कोरोना महामारीले आक्रान्त बनिरहेकाबेला प्रदेश सभाका ५३ पदाधिकारीले दसैं भत्ताबापत २७ लाख ४ सय ८० रुपैयाँ बुझेका हुन्।aayomail

Leave a Reply

Your email address will not be published. Required fields are marked *