शेयर गर्नु होस

महोत्तरी : तनावग्रस्त रहेको महोत्तरीको बर्दिबास बजार तीन दिनपछि खुलेको छ ।
मंगलवार स्थानीय ६ वर्षिय बालिका गुलाबसा खातुनको बलात्कारपछि हत्या भएको घटनाले तनावग्रस्त बनेको बर्दिबास बजार तीन दिनपछि शुक्रवारदेखि खलुेको हो ।
बालिका हत्या र प्रदर्शनको क्रममा प्रहरीको गोली लागेर मृत्यु भएका बुद्धिराज न्यौपानेको मृत्युपछि उत्पन्न विवाद समाधानका लागि गठिन वार्ता समितिलाई मांग सम्बोधनका लागि गृहमन्त्रालयमा सिफारिस गर्ने सहमति भएको थियो ।
नागरिक स्तरमा चिरञ्जिवी हमालको संयोजकत्वमा गठित तीन सदस्यीय वार्ता समितिलाई सर्वपक्षीय बैठकमा प्रमुख जिल्ला अधिकारी कृष्णबहादुर कटुवालले पिडीत परिवारको मांग सम्बोधन गर्न गृहमन्त्रालयलाई सिफारिस गर्ने सहमति जनाएको थियो ।
मृतक बालिकोलाई शहीद घोषणा, आरोपीलाई कडा कारवाही, घटनाको निष्पक्ष छानबीन, घाइतेको उपचारको व्यवस्था र पिडीत परिवारलाई उचित क्षतिपुर्ति दिनुपर्ने मांग स्थानीयवासीको रहेको छ । ती माँगहरु गृहमन्त्री थापाले वार्ता समितिको छलफलमा सम्बोधन हुने सहमति भएको समितिका संयोजक हमालले बताएका छन ।
बुधवार साँझ नै सहमति भएपनि प्रदर्शनको क्रममा प्रहरीको गोली लागेर मृत्यु भएका स्थानीय संजय भनिने बुद्धिराज न्यौपानेलाई पनि शहीद घोषणा गर्नुपर्ने र उचित क्षतिपूर्तिको मांग सम्बोधन गर्नुपर्ने अडान प्रदर्शनकारीको हुँदा बिहीवार पनि बजार खुलेन ।
बिहीवार वार्ता समितिसँग प्रजिअ कटुकवालको अतिरिक्त सहमति पश्चात शुक्रवारदेखि अवस्था समान्य बनेपछि बजार खुलेको हो । बजार खुलेपनि सुरक्षाको दृष्टिकोणले व्यापक रुपमा प्रहरी परिचालन गरी सुरक्षा व्यवस्था कडा बनाइएको छ ।
आक्रोशित स्थानीयले आफ्ना माँग अघि सार्दै मंगलवारदेखि नै निषेधाज्ञा समेत तोड्दै पुर्व पश्चिम राजमार्ग अवरुद्ध गर्दै प्रदर्शन गर्दै आएका थिए ।

Leave a Reply

Your email address will not be published. Required fields are marked *