पाकिस्तान-अफगानिस्तान सीमामा ‘रगतको खोला’ बग्‍ने विज्ञको चेतावनी

एजेन्सी : पत्रकार फ्रान्केसा मारिनो अफगानिस्तान र पाकिस्तानको अन्तर्राष्ट्रिय सीमा रेखा दुरन्द लाइनमा एलओसीभन्दा पनि ‘रक्तापातपूर्ण’ स्थिति सिर्जना हुने बताउँछन् ।

“अफगानी सेना र तालिबानबीच आक्रमण र झडपहरू प्रायः दैनिकजसो आउने समाचारहरू हुन्,” मारिनोले क्विन्टमा प्रकाशित आफ्नो विचारमा भनेका छन्, “पछिल्लो समय अफगानिस्तान तालिबानी र पाकिस्तानी सैनिकहरूबीचको झडप पनि अफगानिस्तान र पाकिस्तानबीचको अन्तर्राष्ट्रिय भू-सीमा दुरान्द लाइनमा यस्तै गोली हानाहानको स्थिति सिर्जना हुने गरेको छ ।”

“पछिल्ला केही हप्ताहरूमा अफगानी तालिवानले इस्लामावादका धेरै सैनिकलाई मारेको दाबी गरेको छ । खैबर पख्तुनक्खवाका नागरिकहरू फेरि एकपल्ट त्रसित बनेका छन् ।

उनले भने, “झडप र द्वन्द्वको स्थिति जारी छ । अराजकताको रणनीतिमा बानी परेका पाकिस्तानी सेना र खुफियाले अझै छोडेका छैनन् । जसले गर्दा स्थिति झन्-झन् जटिल र भयानक बन्दै गएको छ ।

उनले स्थानीयहरुलाई भनेका अनुसार इस्लामावादको रणनीति बाहिर एउटा र भित्रै अर्कै हुने गरेको छ । पाकिस्तानले तालिवान र आईएसआईएस-खोरासन दुबैलाई प्रायोजितसमेत गरिरहेको छ ।

उनले भने, “एक वर्षभन्दा बढी समयदेखि पाकिस्तानमा तालिवान फेरि सामूहिक रूपमा बसिरहेको छ र पीटीएमका सदस्यहरूले बारम्बार भनेका अनुसार उनीहरूलाई प्रभावको क्षेत्र बाँडफाँट गरिएको छ । उनीहरूले नयाँ समूह “कठोर तालिबानी” समूह पनि बनाइरहेका छन् ।”

पाकिस्तानलाई उनले थपे, “जब दुरन्दमा ‘रगतको रेखा’ हुन्छ र सीमानाका प्रान्तहरू विभिन्‍न जिहादी समूहको कारखानामा परिणत हुन्छन्, पाकिस्तानी त्यसलाई हेरिरहन्छ ।”