स्वास्थ्य मन्त्रालयमा पत्रकार सम्मेलन

14

काठमाडौं : नेपालमा थप ४६८ जनामा कोरोना संक्रमण पुष्टि भएको छ भने थप तीन जनाको मृत्यु भएको छ ।
देशका बिभिन्न प्रयोगशालामा गरिएको परिक्षणका क्रममा थप ४६८ जनामा कोरोना पुष्टि भएको स्वास्थ्य मन्त्रालयले जनाएको छ । यो संगै नेपालमा सङ्क्रमित व्यक्तिहरूको सङ्ख्या २६,०१९ पुगेको छ भने मृत्यु हुनेको संख्या १०२ पुगेको छ ।
शनिबार काठमाडौं उपत्यकामा थप ९८ जनामा कोरोना देखिएको छ । मन्त्रालयका प्रवक्ता डा. जागेश्वर गौतमले अहिले ८,१९३ जनामा सक्रिय सङ्क्रमित रहेको बताउनुभयो । शनिबार थप १२४ जना कोरोना संक्रमणमुक्त भएका छन् भने हालसम्म १७,२०१ जना भाइरसमुक्त भएका छन् । त्यस्तै पर्सा, धनुषा र कपिलबस्तुमा एक–एक जनाको मृत्यु भएको प्रवक्ता गौतमले बताउनुभयो । उहाका अनुसार कपिलबस्तुको मायादेवी गाउँपालिका ७ का ४० वर्षीय पुरुषको मृत्यु भएको छ । त्यस्तै पर्सा जिल्ला वीरगञ्ज महानगरपालिका १२ का ६० वर्षका पुरुष र धनुषा जिल्ला जनकनन्दन गाउँपालिकाका ५० वर्षका पुरुषको मृत्यु भएको गौतमले जानकारी दिनुभयो ।
हाल १४ हजार ४ सय ४८ जना क्वारेन्टाइनमा छन् । देशभर ८ हजार १ सय ९३ जना सक्रिय संक्रमित छन् भने ५ सय २३ जना होम आइसोलेसनमा रहेको मन्त्रालयले जनाएको छ ।