लागू औषधसहित पक्राउ
शेयर गर्नु होस

दार्चुला : दार्चुलामा लागू औषधसहित पक्राउ परेका एक जना युवकलाई प्रहरीले सार्वजनिक गरेको छ । आइतबार बेलुकी सदरमुकाम खलंगाको बंगाबगड क्षेत्रबाट ठूलो परिणामा लागू औषधसहित पक्राउ परेका दुहुँ गाउँपालिका २ स्थायी घर भई हाल महाकाली नगरपालिका ४ तिंकर खेडामा बस्दै आउनुभएका ३४ वर्षीय गणेशराम भूललाई प्रहरीले पत्रकार सम्मेलन गरी सार्वजनिक गरेको हो ।

बंगाबगड लास्कु खोला किनार भएर आउँदै गरेका युवकसँग बोरामा शंकास्पद वस्तु रहेको आंशकामा प्रहरीले चेकजाँच गर्दा भुलबाट लागू औषध फेला पारेको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक सुरेन्द्रप्रसाद जोशीले जानकारी दिनुभयो ।
भूलको साथबाट कोरेक्स २२ सिसी र स्पाश ५३ पत्ता बरामद गरिएको छ । प्रहरीले सोधपुछको क्रममा प्रहरीमाथि नै आक्रमण गरेको प्रवक्ता जोशीले बताउनुभयो । समान चेकजाँचको क्रममा प्रहरी जवान नरेन्द्र टेरमाथि आक्रमण भएको प्रहरीले जनाएको छ ।
लागू औषधसहित पक्राउ परेका भूललाई नियन्त्रणमा लिई थप अनुसन्धान भईरहेको प्रहरीले जनाएको छ । उहाँमाथि मुद्धा दर्ताको तयारी भएको प्रहरीले जनाएको  छ। यसअघि बन्दाबन्दीको समयमा प्रहरीले दार्चुलामा ३ जनालाई लागू औषधसहित पक्राउ गरेको थियो ।

 

One thought on “औषधसहित एक युवक पक्राउ:दार्चुला”
  1. […] दार्चुला नेपालमा नदिबाट बलुवा तथा अन्य पदार्थको गैरकानुनी ढङ्ग बाट निकलेका घाटना हरु सार्वजनिक हुनु नौलो कुरो हैन । प्रसासनकै मिलेमतोमा बर्खा को समय मा नदिले गर्नेरी जोखिम लाई पनि बेवस्थ गर्दै चोरी निकासी का घाटन हरु दिन प्रती दिन सुन्नमा आइ रहेकै हुन्छन ।यसरी अबैध रुपमा गरिने चोरी निकसिले गर्दा डुबान कटान जस्ता प्रकृतिक बिप्ती को पनि नेपाली जनमानसले सामना गर्दै आइ रहेका छन । जलस्रोतको धनी देश हुँदा हुँदै तटिय क्षेत्रको बिनासले गर्दा उत्पन्न प्राकृतिक बिपतिको सामना हरेक बर्ष जस्तो गर्न परिरहेको छ । मानिसका आसधाराण आवश्यक्ता पुरा गर्नका निमित्त प्रकृतीको बिनास एउटा ठुलो समस्या को रुपम बढीरहेको छ । […]

Leave a Reply

Your email address will not be published. Required fields are marked *