शेयर गर्नु होस

जनकपुरधाम । मुख्यमन्त्री लालबाबु राउतले जवाफ दिएपछि प्रदेशसभा बैठक सुचारु भएको छ । मुख्यमन्त्री राउत बुधबार दिउँसो बसेको प्रदेशसभा बैठकमा आफै उपस्थित भएर स्थानीय तहको ससर्त अनुदान बजेट सच्याने प्रतिवद्धता गरेका ह्न् ।

मुख्यमन्त्री राउतको प्रतिवद्धतापछि सदन सुचारु भएको हो । ससर्त अनुदान योजनामा सांसदहरुले पेश गरेको योजना नसमेटिएको र मनोमानी गरेको भन्दै विपक्षी दल नेकपा एमाले, नेपाली काँग्रेस र नेकपा माओवादी केन्द्रले मंगलबार बसेको प्रदेशसभा बैठक अवरुद्ध गरेका थिए ।

विपक्षी दलका सांसदहरुले मुख्यमन्त्री आफै सदनमा आएर जवाफदिनुपर्ने र सच्याउनु पर्ने अडान लिएका थिए । त्यसपछि प्रम सभामुख सरोजकुमार यादवले बैठक स्थगित गरेका थिए ।

आजको बैठकको सुरुमै मुख्यमन्त्री राउतले जवाफ दिँदै सशर्त अनुदानको योजना सच्याउने प्रतिवद्धता गर्दै त्यसको लागि कानुन मन्त्री र अर्थ मन्त्रीलाई निर्देशन दिएका छन् ।

प्रदेश २ सरकारको आ.व. २०७८श्र७९ को नीति तथा कार्यक्रम भोलि प्रदेशसभामा प्रस्तुत हुने भएको छ । भोलि नीति तथा कार्यक्रम प्रदेश प्रमुख राजेश झाले प्रस्तुत गर्ने छन् । त्यसका लागि दिउँसो २ बजे नै सांसदहरुलाई सभामुख यादवले उपस्थितिका लागि आग्रह गरेका छन् ।

Leave a Reply

Your email address will not be published. Required fields are marked *