Thursday, December 2, 2021
spot_img
Homeदेशसर्लाहीबाट प्रतिबन्धित लागूऔषध गाँजासहित दुई जना पक्राउ

सर्लाहीबाट प्रतिबन्धित लागूऔषध गाँजासहित दुई जना पक्राउ

शेयर गर्नु होस

सर्लाही । सर्लाहीबाट प्रतिबन्धित लागूऔषध गाँजासहित दुई जना पक्राउ परेका छन् ।

लालबन्दी नगरपालिका-१५, तीनतले झल्ला चौडीबाट ८० किलो प्रतिवन्धित लागूऔषध गाँजासहित दुई जना पक्राउ परेका छन् ।

२ नं. प्रदेश प्रहरी कार्यालय जनकपुरधाम र प्रहरी चौकी परवानीपुरबाट खटिएको संयुक्त प्रहरी टोलीले ईश्वरपुर नगरपालिका-१२ का ३३ वर्षीय आइत सिंह स्याङतान र सोही ठाउँका ५४ वर्षीय मान बहादुर स्याङतानलाई लागूऔषध गाँजासहित पक्राउ गरेको हो ।

विशेष सुराकीको आधारमा खटिएर गएको प्रहरी टोलीले उत्तरी चुरेक्षेत्रस्थित फूलजोर खोलाको किनारमा पर्ने झल्ला चौडीबाट प्याकिङ गरी बोराभित्र हालेर ल्याउँदै गरेको अवस्थामा गाँजा बरामद गरेको ईलाका प्रहरी कार्यालय लालबन्दीले जनाएको छ ।

गाँजासहित पक्राउ परेका दुवैलाई अहिले ईलाका प्रहरी कार्यालय लालबन्दीको हिरासतमा राखी थप अनुसन्धान भइरहेको लालबन्दी प्रहरीका प्रमुख एवं प्रहरी निरीक्षक निर्मल थापाले जानकारी दिए ।

लालबन्दी प्रहरीले यस आर्थिक वर्षमा २५० किलो गाँजा बरामद गरिसकेको छ ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: