Thursday, December 9, 2021
spot_img
Homeअन्तराष्ट्रियभारतमा अलकायदाका दुई आतंकवादी पक्राउ, नेपालमा पनि बढ्यो सुरक्षा चुनौती

भारतमा अलकायदाका दुई आतंकवादी पक्राउ, नेपालमा पनि बढ्यो सुरक्षा चुनौती

एजेन्सी। आइतबार बिहानबाटै भारतको उत्तर प्रदेशस्थित लखनउको काकोरीमा आतंकवादविरुद्ध सेनाले अपरेसन चलाइरहेको छ।

पछिल्लो सात घण्टामा सेनाले काकोरी इलाकामा छापा मारेर दुई अलकायदाका आतंकवादीलाई पक्राउ गरेको छ।

पाँच आतंकवादी भने अहिले पनि फरार छन्। साथै, सेनाले दुई सुटकेस बारुद समेत बरामद गरेको छ भने कुकर बम तथा टाइम बम पनि फेला पारेको छ।

भारतीय सञ्चार माध्यमका अनुसार सेनाले अलकायदाको ठुलो आतंकी योजनाको पर्दाफास गरेको छ। फरार आतंकवादीको सेनाले खोजी तिब्र पारेको छ। सेनाले शंकास्पद स्थानमा अहिले पनि छापा मारिरहेको छ।

प्राप्त सूचनाका अनुसार सेनाले भारी फोर्सको साथमा काकोरी इलाकामा सर्च अभियान चलाइरहेको छ। पक्राउ परेका दुई आतंकवादीसँग अहिले सोधपुछको काम भइरहेको छ। पक्राउ परेका दूई आतंकवादी मध्ये एकको नाम शाहिद रहेको बताइएको छ।

नेपालको सीमासँग जोडिएको भारतको उत्तर प्रदेश प्रान्तमा यसरी आतंकवादीको घुसपैठले नेपालमा समेत सुरक्षा चुनौती बढेको छ। भारतको बाटो हुँदै नेपालमा पनि अलकायदाका आतंकवादी छिर्न सक्ने भएकोले सीमामा सतर्कता अपनाउन जरुरी रहेको छ।

RELATED ARTICLES

Leave a Reply

- Advertisment -spot_img

भर्खरै प्रकाशित

उखुको मूल्य बढ्ने

Recent Comments

%d bloggers like this: