शेयर गर्नु होस

रासस-
झापा । दुई वर्षदेखि अभिभावकसँग सम्पर्कविहीन भएर भारतमा बस्दै आएका झापाका पाँचजना बालकको उद्धार गरिएको छ।

विश्व सेवा विस्तार संस्थाले भारतको कलकत्तास्थित नेपाली महावाणिज्य दूतावाससँगको सहकार्यमा ती बालकको उद्धार गरिएको हो। उद्धार गरिएका पाँचमध्ये चारजना मेचीनगर नगरपालिका र एक जना दमकका हुन्।

शुक्रबार उद्धार गरिएका बालकमा मेचीनगर–१ गाडागल्लीका १६ वर्षीय अनिश विश्वकर्मा र १४ वर्षीय महेश विश्वकर्मा, मेचीनगर–५, अधेरीका १५ वर्षीय नवीन लिम्बू र १६ वर्षीय रोमन कटुवाल र दमकका १४ वर्षीय खेम राजवंशी रहेका संस्थाका कोअर्डिनेटर कुमार बस्नेतले जानकारी दिए।

उद्धार गरिएका सबैलाई शुक्रबार नै परिवारको जिम्मा लगाइएको छ। ती बालकले आफूहरु दुई वर्षअघि घुम्नका लागि भारत गएका बेला  नियन्त्रणमा लिएर भारतको पश्चिम बङ्गालस्थित जलपाइगुडी जिल्लाको एक बालगृहमा लगिएको बताएका छन्।

विश्व सेवा विस्तारले विगत पाँच वर्षदेखि झापाको काँकडभिट्टा तथा भद्रपुरस्थित सीमानाकामा रहेर चेलबेटी बेचबिखन तथा बालअधिकारको क्षेत्रमा गतिविधि सञ्चालन गर्दै आएको छ। रासस

Leave a Reply

Your email address will not be published. Required fields are marked *