Tuesday, December 7, 2021
spot_img
Homeअन्तराष्ट्रियपाकिस्तानले भारतविरुद्ध अगस्त ५ लक्षित षड्यन्त्र बनाएको खुलासा

पाकिस्तानले भारतविरुद्ध अगस्त ५ लक्षित षड्यन्त्र बनाएको खुलासा

ग्लासगो । हिडन रुट्स नाम गरेको ट्विटर ह्यान्डलले यूरोपभरि भारत विरोधी प्रचार अभियानहरुको बारेमा खुलासा गरेको छ । पाकिस्तानी विदेश मन्त्रालय अन्र्तगतको रणनीति सञ्चार महाशाखाले भारतविरुद्धको विभिन्न भ्रमहरु फैलाएर प्रचार प्रसार गरिरहेको खुलासा भएको छ ।

अगस्त ५ लाई उत्पीडन दिवसको रुपमा मनाउने र यसका लागि विभिन्न योजनाहरु बनाइएको पाइएको हो । यस सन्दर्भमा पाकिस्तानको विदेश मन्त्रालयले विश्वभर रहेको आफ्ना मिसनहरुमा पठाइसकेको बताइएको छ ।

अभियानको उद्देश्य सबै आधुनिक डिजिटल मिडिया प्लेटफर्महरुको उपयोग गरेर भारतविरुद्ध अधिकतम प्रचार गरेर प्रभाव बनाउनको लागी रहेको बताइएको छ ।

पाकिस्तानले काश्मीरको घाटीको एक काल्पनिक घेराको आडमा भारत विरोधी (हिन्दू विरोधी र साम्प्रदायिक दुई राष्ट्र सिद्धान्त) अभियान पश्चिमी मुलुकहरुमा सञ्चालन गरेको हो । योम ए इस्तहलको कार्यान्वयन गर्न, र भारतविरुद्ध घृणा फैलायने अभियानको सबै कार्यहरुको समन्वय को लागि काश्मीरको लागि अन्तर्राष्ट्रिय गठबन्धन नामबाट एक छाता संगठन स्थापित गरीएको छ ।

पाकिस्तान प्रायोजित र समर्थित गैरसरकारी संगठनहरु, पैरवीकर्ताहरु, कूटनीतिज्ञहरु, ईयूका सांसदहरु, अमेरिकी कांग्रेसीहरु साथै पाकिस्तानी डायस्पोराका प्रतिनिधिहरुलाई भारतविरुद्ध घृणा फैलाउनका लागि परिचालन गरिएको पाइएको हो ।

भारतीय मिशनहरुमा अगस्त ५ मा अधिकतम संख्यामा मसाल जुलुस गर्ने र आन्दोलन गर्ने योजना बनाइएको खुलेको हो । यसका लागि सामाजिक सञ्जालमा नेटवर्कसमेत बनाइएको छ । एकै नामबाट टिवटर ह्यान्डल र फेसबुक पेज बनाएर इमेलसमेत खोलिएको र यही माध्यमबाट नेटवर्कमा जोड्ने काम भइरहेको पाइएको हो ।

माथि उल्लेखित निर्देशनहरु पहिले नै पाकिस्तानी विदेशी मिशनहरुलाई पठाइएको छ र अगस्त ५ मा ट्वीट गरिने नाराहरुको सूची पनि जारी गरिएको छ ।

करिब २० वटा नाराहरुको सूचीत ट्वीट् गर्नका लागि दुबै अंग्रेजी र रोमन भाषामा तयार पारिएका छन् । जसमा काश्मीरमा रक्तपात रोक्न विश्व अगाडि आओस् भन्नेजस्ता नाराहरु तयार पारिएका छन् ।

जुलाई २६ मा पीओकेमा विधान सभाको धांधली चुनावको एक दिनपछि नीलम उपत्यका शारदामा अर्धसैनिक बलद्वारा एक युवकको हत्या भएको थियो भने पीओके पुलिस जवानसहित २५ भन्दा बढी घाइते भएका थिए । पाकिस्तानले आफ्नै मुलुकभित्र यसरी उत्पीडन गरिरहेको समयमा भारतविरुद्ध घृणा फैलाउनका लागि अगस्त ५ लक्षित षड्यन्त्र बुनिरहेको पाइएको हो ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: