Monday, November 29, 2021
Google search engine
Homeअन्तराष्ट्रियपाकिस्तानमा पत्रकारमाथि हिंसा बढ्दाे , ईयूको गम्भीर ध्यानाकर्षण

पाकिस्तानमा पत्रकारमाथि हिंसा बढ्दाे , ईयूको गम्भीर ध्यानाकर्षण

शेयर गर्नु होस

एजेन्सी इस्लामाबाद। युरोपियन युनियनले पत्रकारमाथिको हिंसा, धम्की, अपहरण र हत्याजस्ता घटनाप्रति गम्भीर ध्यानाकर्षण भएको जनाएको छ । पाकिस्तानमा पछिल्लो समयमा पत्रकारमाथिको हिंसाका शृङ्खलाहरू निरन्तर वृद्धि भइरहेका छन् ।

ईयूले पाकिस्तानमा पत्रकारमाथि सरकारद्वारा पूर्णपुरमा नकारात्मक प्रवृत्तिको विकास भएको र प्रेस स्वतन्त्रताको पूर्ण पालना हुन नसकेको पाइएको छ । ईयूको विदेश मामिला तथा सुरक्षा नीति मन्त्रालयका प्रवक्ता नाबिला मासरालीले मङ्गलवार पाकिस्तानमा पत्रकारमाथि भइरहेको ज्यादतीका कारण सम्पूर्ण पत्रकारिता जगतको नै प्रेस स्वतन्त्रताको अवस्थामाथिका प्रश्न उठ्न थालेको बताएका छन् ।

ईयूले पनि बृहत् प्रणालीगत दुर्व्यवहार र अनलाइन सञ्चारमाध्यममा लगाएको अङ्कुशको समेत विरोध गरेको छ । महिला पत्रकारहरूको विषयमा पनि ईयूले प्रश्न उठाएको छ । महिला पत्रकारहरू पाकिस्तानमा सुरक्षित हुन नसकेको भन्दै आलोचना भएको हो ।

पत्रकारमाथिको दुर्व्यवहार र उनीहरूलाई प्रयोग गरिने भाषाको विषयमा पनि प्रश्न उठाउँदै ईयूले पाकिस्तान सरकारले पत्रकारहरूलाई निकै हेपाहा प्रवृत्तिले हेरिरहेको बताएका छन् । प्रवक्ता नाबिला मासरालीले जियो टिभीसँगको कुराकानीका क्रममा विश्वभरका पत्रकारलाई सुरक्षा प्रदान गरिनुपर्ने र विशेषगरि पाकिस्तानी पत्रकारहरूलाई भने तत्काल सरकारबाट नै सुरक्षा खतरा भएको जनाइएको छ ।

पाँचौँ ईयू पाकिस्तान रणनीतिक संवादका क्रममा विदेश मन्त्री कुरेसीसँग कुराकानी गर्दै जोसेफ बोरेलले प्रेस तथा अभिव्यक्ति स्वतन्त्रताको प्रसङ्ग उठाएका थिए ।

पछिल्लो समय पाकिस्तानी पत्रकारमाथि भएको आक्रमणको घटनाको विषय उजागर गर्दै अन्तर्राष्ट्रिय अधिकारवादी समूहले पाकिस्तानी पत्रकारमाथिको ज्यादती रोक्न आग्रह गरेको थियो । यसअघि जियो न्युजका पत्रकारलाई कार्यक्रम सञ्चालनमा प्रतिबन्ध लगाएको थियो भने त्यसअघि एक पत्रकारलाई कुटपिट गरिएको थियो ।

ह्युमन राइट वाच, एम्नेस्टी इन्टरनेशनल र इन्टरनेशनल कमिसन अफ जुरिस्टले आपराधिक गतिविधिमा संलग्नहरूलाई कारबाही गर्नसमेत माग गरेको छ । तर, सरकारले पनि पत्रकारमाथि आक्रमण गर्ने कसैलाई पनि नियन्त्रणमा लिन र कारबाही अघि बढाउन सकेको छैन ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: