Thursday, December 9, 2021
spot_img
Homeसमाचारभुगर्भ सिमेन्टकाे ३ वटै ब्रान्ड गुणस्तरहीन, विभागद्वारा बिक्री वितरणमा रोक

भुगर्भ सिमेन्टकाे ३ वटै ब्रान्ड गुणस्तरहीन, विभागद्वारा बिक्री वितरणमा रोक

कपिलवस्तु ,भाद्र ०८ । कपिलवस्तुको शिवराज नगरपालिका पैकीवण्डास्थित भूगर्भ सिमेन्ट प्रालिका पीपीसी सिमेन्टका तीन वटै ब्राण्डको बिक्री वितरणमा रोक लगाइएको छ ।
गुणस्तर परीक्षणमा असफल भएपछि नेपाल गुणस्तर तथा नापतौल विभाग काठमाडौंले अपोलो, क्रयाष्टल र देउराली ब्राण्डमा रोक लगाएको हो । जिल्लाको कृष्णनगर नगरपालिकाका उपभोक्ता रमाकान्त चौधरीले उद्योगद्वारा उत्पादित देउराली ब्राण्डको सिमेन्टले छत ढलान गर्दा चर्किएर क्षति भएपछि गुणस्तरहीन भएको उजुरी गरेपछि सिमेन्टको नमूना परीक्षण गरिएको थियो ।

विभागको प्रयोगशालामा परीक्षण गर्दा भारवहन क्षमता नेपाल गुणस्तर अनुसार नभएको पाइएको हो । सिमेन्टको कम्प्रेसिभ स्ट्रेन्थ परीक्षण गर्दा तीन दिनको नतिजा १६ एमपीए आउनु पर्नेमा ९ मात्रै आएको थियो । यस्तै ७ दिनको भारवहन क्षमता २२ एमपीए आउनु पर्नेमा १५ मात्रै आएको विभागले जनाएको छ । 

गुणस्तर ‘फेल’ भएपछि सिमेन्ट उद्योगबाट उत्पादित सबै प्रकारका पीपीसी सिमेन्ट विक्री बितरणमा रोक लगाइएको विभागका निरीक्षण तथा बजार अनुगमन शाखा निर्देशक सञ्जिवकुमार ठाकुरले बताए । गुणस्तरहीन पाएपछि विक्री वितरणमा रोक लगाई कम्पनीलाई १५ दिने स्पष्टीकरण सोधिएको छ ।

गुणस्तर फेल भएको सिमेन्ट विक्री वितरणबारे कम्पनीले चित्त बुझ्दो जवाफ नदिए थप कारबाही अघि बढाउने उनले बताए । उपभोक्ता चौधरीले कृष्णनगर बजारमा जेठ २४ मा पहिलो तला घरको छत ढलान गरेका थिए । जेठ २३ गते उत्पादन मिति रहेको देउराली सिमेन्ट प्रयोग गर्दा अर्कोदिन छत चर्किएको थियो ।ठाउँठाउँमा प्वाल परेको थियो । ६/७ ठाउँमा स–साना खाल्टो बनेको थियो । दुई हजार ७ सय स्क्वायर फुट छत ढलान गर्दा १० लाख बढी क्षति भएको छ । करिब एक लाखको एक सय ८० बोरा देउराली सिमेन्ट खरिद गरिएको थियो ।

RELATED ARTICLES

Leave a Reply

- Advertisment -spot_img

भर्खरै प्रकाशित

उखुको मूल्य बढ्ने

Recent Comments

%d bloggers like this: