Thursday, December 2, 2021
spot_img
Homeदेशआज हरितालिका तीज मनाइँदै : जनकपुरमा मधेशी र पहाडी समुदायका महिलाहरूसंगै रमाउदै

आज हरितालिका तीज मनाइँदै : जनकपुरमा मधेशी र पहाडी समुदायका महिलाहरूसंगै रमाउदै

शेयर गर्नु होस

जनकपुरधाम  । हरितालिका तीज मधेशसहित देशभर धुमधामसित मनाइँदै छ । भाद्र शुक्ल तृतीयाका दिनमा मनाइने हरितालिका तीज पर्व देवादिदेव महादेवको पूजा आराधना गरी श्रद्धा र निष्ठाका साथ मनाइदै छ । भाद्र शुक्ल तृतीयामा व्रत बसी शिव पार्वतीको पूजा, उपासना गरेमा पति दीर्घायु, पारिवारिक सुख, शान्ति र कल्याणको प्राप्ति हुने धार्मिक विश्वास रहिआएको छ ।

सत्ययुगमा हिमालय पुत्री पार्वतीले गौरीघाटमा बसी तपस्या गरेर श्री महादेव पति पाउने वरदान पाएको विश्वासमा यो व्रत सुरु भएको पौराणिक मान्यता रहेको छ ।

देशका अन्य ठाउँहरुमा जस्तै पछिल्लो समय मधेशमा क्षेत्रमा पनि तीजको तामझाम बढ्दै गएको छ ।

पतिको दिर्घयुको कामना गरी पहाडी समुदायले निष्ठा र आस्थाका साथ मनाउँने पर्व अव मधेशी महिलाहरुको पनि निष्ठाको पर्व बनिसकेको छ ।

आज जनकपुरकामा दुवै समुदायका महिलाहरु एकअर्कामा घुलमिल भई हर्षोल्लासका साथ नाचगान गर्दै तीज पर्व मनाउँदै छन् ।

एकअर्का समुदायका महिला एक ठाउँमा आएर तीज मनाउँन थालेपछि दुवै समुदायका महिलाहरु हर्षित भएको ममता मगरले बताइन् ।

तीजको अवसरमा प्रत्येक वर्ष झै यस वर्ष पनि गणेश युवा कमिटीले राममन्दिर अगाडी तीज विषेश कार्यक्रम आयोजन गरेको छ ।

यहाँ पहाडी र मधेशी समुदायका महिलाहरु नाचगान र रमाईलो गर्दै तीज पर्व मनाइरहेका छन् ।

फाइल तस्बिर

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: