गोलि हानी हत्या गरिएका साधुलाई सहिद घोषणा गर : बिश्व हिन्दु परिषद

#साधु
#साधु

रौतहट ।  रौतहटको माधब नारायण नपा २ खेसरहियाको हनुमान मन्दिरको महन्थ श्री राम साहलाई आज्ञात समुहले गोलि हानी हत्या गरेको घटनाको बिश्व हिन्दु परिषद नेपालले कडा शब्दमा निन्दा गरेको छ।

शनिबार परिसदका रौतहट जिल्ला अध्यक्ष आलोक पाण्डेले नेपाल पत्रकार रौतहटको शाखामा पत्रकार सम्मेलनको आयोजना गर्दै नेपालमा साधुसन्त समेत सुरक्षित नहुनु दुर्भाग्य रहेको बताउदै हत्यामा समलग्न अपराधिलाइ यथासिघ्र कानुनी दायरामा ल्याइ कडा भन्दा कडा कारबाही गर्न माग गरेका हुन ।

पान्डेले मृत्क सन्त प्रती हार्दिक श्रद्धाञ्जली अर्पण गर्दै सहिद घोषणा गर्न जोरदार माग समेत गरे। पाण्ले भने–“निरन्तर हिन्दु आस्थामाथि प्रहार गरि हत्या हिंसा आक्रमणको घटना बढनुले नेपालको फितलो सुरक्षा ब्यबस्थालाई प्रदर्शन गरेको छ,यस किसिमको हत्या हिंसा र अत्याचार विरुद्ध सम्पुर्ण नेपाली एक जुट भइ अघि बढ्न बिश्व हिन्दु परिसद नेपालको अपिल छ।”

महन्थ साहको गत भदौ ३ गते बेलुकि करिब ९ः३० बजे अज्ञात समुहले  गोलि हानी हत्या गरेको थियो । रौतहटको प्रहरि कुकुर सहितको टोलि परिचालन गरेपनि हाल सम्म कुनै सफलता हात परेको छैन।