Tuesday, December 7, 2021
spot_img
Homeअन्तराष्ट्रियचिनमा अध्यनरत विद्यार्थीको भबिस्य अझै अन्योलमा

चिनमा अध्यनरत विद्यार्थीको भबिस्य अझै अन्योलमा

काठमाडौं । विभिन्न सात बिद्यार्थी संगठनहरुले कोभिड–१९ महामारीका कारण चीन लगाएतका देशबाट स्वदेश फर्किएका विद्यार्थीलाई फेरि सोही स्थानमा नै गएर पढ्ने वातावरण मिलाउन सरकारसँग माग गरेका छन् ।

नेविसंघ , अखिल क्रान्तिकारी, माधव नेपाल निकट अनेरास्ववियुलगायतका संगठनले मंगलबार परराष्ट्रमन्त्री नारायण खड्कालाई ज्ञापन बुझाउदै कोरोनाका कारण सयौं संख्याका विद्यार्थी अलपत्र भएको र अव पुनः चीनलगायतका अन्य देशमा गएर अध्ययन गर्ने वातावरण मिलाउन माग गरेका हुन् । पुनः चीनलगायतका देशमा फर्किएर अध्ययन गर्ने वातावरण नबन्दा विद्यार्थीहरूको शैक्षिक भविष्य अन्योलमा परेको भन्दै यसका लागि पहल गर्न उनीहरूले आग्रह गरेका छन् ।

ज्ञापन पत्र बुझाउदै अखिल क्रान्तिकारीका अध्यक्ष पञ्चा सिंहले उच्च शिक्षा अध्ययनका लागि अभिभावकले गरेको करौडौँ लगानी खेर जाने अवस्था रहेको र विद्यार्थीको भविष्य पनि अन्योलमा रहेको भन्दै कुटनीतिक पहलमार्फत विद्यार्थी पठाउने व्यवस्था गर्न आग्रह गरिन् ।

ज्ञापन पत्र बुझ्दै मन्त्री खड्काले सम्बन्धित निकायमा यस बिषयमा छलफल सुरु गरिसकेको भन्दै अन्य पहल गर्ने आश्वासन दिए । उनले यस विषयमा आफू गम्भिर रहेको बताए ।

विद्यार्थी संगठनहरुले प्राविधिक बिषयहरुको अध्ययन अनलाइनबाट सम्भव नहुने भएकाले विद्यार्थीहरुको गुनासो छिटो भन्दा छिटो सम्बोधन गर्न मन्त्री खड्काको ध्यानाकर्षण गराएका छन् ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: