भारतीय सेना प्रमुख सवार हेलिकप्टर दुर्घटनामा १४ मध्ये १३ जनाको निधन

एजेन्सी–
काठमाडौँ । 
भारतीय सेनाका प्रमुख सवार हेलिकप्टर दुर्घटनामा १३ जनाको निधन भएको पुष्टि भएको छ ।

बुधवार भारतीय वायुसेनाको एमआई १७ हेलिकप्टर दुर्घटना हुँदा त्यसमा सवार १४ जनामध्ये १३ जनाको निधन भएको पुष्टि भएको छ।

हेलिकप्टरमा भारतीय सेनाका प्रमुख विपीन रावत सहित १४ जना सवार थिए ।

दुर्घटना पश्चात रावतको अवस्थाबारे केही जानकारी दिइएको छैन ।

सेनाले उक्त घटनाको छानबिन सुरु गरिसकेको जानकारी दिएको छ ।

तमिलनाडुको निलिगिरिस जिल्लाको कुनुर भन्ने ठाउँमा पर्ने जङ्गलमा दिउँसो १२ बजे दुर्घटना भएको थियो ।

दुर्घटनाबारे केन्द्रीय रक्षामन्त्री राजनाथ सिंहले प्रधानमन्त्री नरेन्द्र मोदीलाई ब्रिफिङ गरेका छन्।

सुलुरस्थित आर्मी बेसबाट उडेको हेलिकप्टर वेलिङ्टनस्थित डिफेन्स सर्भिस स्टाफ कलेजमा जाँदै थियो । दुर्घटना भएको ठाउँ वेलिङ्टनबाट १० किलोमिटर दुरीमा रहेको जनाइएको छ ।