भारतीय राष्ट्रिय कांग्रेस र नेपाली कांग्रेसबीच ऐतिहासिक सम्बन्ध : मुकुल वासनीक

काठमाडौं: लोकतान्त्रिक समाजवादी पार्टीका अध्यक्ष महन्थ ठाकुरले न्यायालय विवादको निरुपण अदालत आफैँले छिनोफानो गर्नुपर्ने बताएका छन्। कांग्रेस महाधिवेशन उद्घाटन कार्यक्रममा बोल्दै उनले भने, ‘सर्वोच्च अदालतको पनि त्यही अवस्था छ। जनताले पाउनुपर्ने न्याय पाउनमा असर परिरहेको छ। अदालत आफ्नै विवादमा फसेको छ। दुनियाँको छिनोफानो गर्ने सर्वोच्च अदालत आफैँले छिनोफानो गर्नुपर्छ। अरुले हस्तक्षप गर्न मिल्दैन।’

उनले पार्टी सिस्टममा पार्टीले सरकार बनाउने भन्दै अहिले हाम्रो देशमा संसद राम्ररी काम गर्न नसकेको बताए। ‘देउताहरु समुद्र मन्थन गरेर रत्न प्राप्त गरेका थिए। तपाइँहरु जनमन्थन प्राप्त गरी यहाँ आउनुभएको छ,’ उनले भने।

उनले आफूहरुको असन्तुष्टि वर्तमान संविधानमा रहेको बताए। ‘संविधानमा हाम्रा केही असन्तुष्टिहरु छन्। निर्वाचित हाम्रा सांसदहरु जेलमा छन्। क्रान्तिको लागि भएको आन्दोलनको छिनोफानो राजनीतिकरुपले हुनपर्छ भन्ने हाम्रो माग हो। हाम्रा माग सम्बोधन नहुने हो भने ज्वालामुखीजस्तै विष्फोट हुन्छौं,’ उनले भने।