राष्ट्रिय सभा निर्वाचन प्रक्रिया सुरु,मतदाता नामावली आज प्रकाशन हुने

काठमाडौं।  काठमाडौं निर्वाचन आयोगले शनिबार राष्ट्रिय सभा
निर्वाचनका लागि मतदाता नामावली प्रकाशन गर्ने भएको छ। दाबी विरोध र छानवीन सकेपछि मतदाताको अन्तिम नामावली सोमबार प्रकाशन गर्ने आयोगले जनाएको छ । शनिबार प्रकाशित भएका मतदाता नामावालीमा विरोधको लागि दुई दिन भित्र उजुरी दिइ सक्नुपर्ने बताइएको छ।
माघ १२ गते राष्ट्रियसभा सदस्यको निर्वाचनका लागि पुस २० गते उम्मेदवारी दर्ताको कार्यक्रम रहेको निर्वाचन आयोगका सहसचिव एवं प्रवक्ता शालिग्राम शर्मा पौडेलले जानकारी दिए। उनका अनुसार २१ गते उम्मेदवारीमा दाबी विरोधको उजुरी दिने, २२ र २३ गते उजुरीमाथि जाँचबुझ गरी निर्णय गर्ने, २४ गते उम्मेदवारले नाम फिर्ता लिने र २५ गते उम्मेदवारको अन्तिम नामावली प्रकाशन गर्ने कार्यतालिका रहेको छ। आयोगले पुस २५ गते नै उम्मेदवारहरुलाई निर्वाचन चिन्ह प्रदान गर्नेछ ।
त्यस्तै माघ १२ गते बिहान ९ बजेदेखि अपराह्न ३ • बजेसम्म तोकिएका मतदान केन्द्रमा मतदान हुने आयोगले जनाएको छ।