Tuesday, December 7, 2021
spot_img
Homeअन्तराष्ट्रियअफगानिस्तानमा तालिबानको कब्जा पछि प्रतिबन्धबारे सोच्न आवश्यक – क्यानेडेली प्रम

अफगानिस्तानमा तालिबानको कब्जा पछि प्रतिबन्धबारे सोच्न आवश्यक – क्यानेडेली प्रम

क्यानडाका प्रधानमन्त्री जस्टिन ट्रूडोले संसारका जीसेभेन (जी७) देशसँग अफगानिस्तानमाथि तालिबानको नियन्त्रणपछि अब प्रतिबन्धबारे सोच्न आवश्यक भएको बताएका छन् ।

अफगानिस्तानमाथि जीसेभेन देशको हुन लागेको बैठकभन्दा एक दिन अघि सोमबार ट्रूडोले क्यानडाले तालिबानलाई पहिलेदेखि आतंककारी मान्ने गरेको बताउँदै उनीहरु आतंककारीको सूचीमा भएको र अब प्रतिबन्धबारे कुरा गर्न सकिने बताएका छन् ।

मंगलबार जी७ का सदस्य देश क्यानडा, ब्रिटेन, फ्रान्स, जर्मनी, इटली, जापान र अमेरिकाले अफगानिस्तानमाथि भर्चुअल बैठकको आयोजना गर्न लागेका छन् ।

क्यानडाका प्रधानमन्त्रीले उनीहरुले जी७ का आफ्नो साथी नेतासँग कुराकानी गर्न लागेको र के होला त्यो हेर्न बाँकी भएको बताएका छन् ।

जी७ को अध्यक्षता यतिबेला ब्रिटेनसँग छ र उसका अनुसार हालको जारी प्रतिबन्धमा फुकुवा तालिबानको व्यवहारमा निर्भर हुनेछ ।

यस्तै, अफगानिस्तानमाथि तालिबानको कब्जापछि ३१ अगस्टसम्म सबै विदेशी फौजले देश छोड्नुपर्नेछ तर यसैबीच युरोपेली संघ र ब्रिटेनले यो मितिमा सकैलाई देशबाहिर निकाल्न असम्भव भएको बताएका छन् ।

बाइडेनमाथि अफगानिस्तानसँग अन्तिम मिति बढाउन दबाब छ जबकी तालिबानले यो मितिसम्म अमेरिकी सैनिकले देश नछोडे आफूहरुका लागि यो सह्य नहुने र यसको परिणाम भोग्नुपर्ने चेतावनी दिइसकेको छ ।

जस्टिनले क्यानडाको ध्यान हाल धेरैभन्दा धेरै अफगानी जनतालाई सुरक्षित तरिकाले निकाल्नमा केन्द्रीत भएको जानकारी दिए । रातापाटी

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: