Tuesday, December 7, 2021
spot_img
Homeदेशजनकपुरको खानेपानी धारामा चार महिनादेखि ढल मिसिएको दूषित पानी

जनकपुरको खानेपानी धारामा चार महिनादेखि ढल मिसिएको दूषित पानी

जनकपुरधाम । जनकपुरका खनेपानी उपभोक्ताले चार महिनादेखि दूषित पानी खान बाध्य भएका छन् ।

खानेपानी संस्थान जनकपुरको लापरवाहीले उपोभोक्ता दूषित पानी खान बाध्य भएका हुन् ।

वर्षायाम सुरुभएदेखि अहिलेसम्म धारामा ढल मिसिएको जस्तो धमिलो, फोहोर र दुषित पानी आउने गरेको जनकपुरधाम उपमहानगरपालिका वडा नं. ९ साकेतनगरका संजिव यादवले गुनासो गरे । संस्थानमा पटक पटक गुनासो गर्दा कुनै वास्ता नगरेको उनको भनाइ छ ।

साकेतनगरमा धारामा निरन्तर दुषिूत पानी आउँदा उपभोक्ताहरुले खानेपानी किनेर प्युन बाध्य भएका हुन् । वडा नं. ९ रामानन्दचोकमै खानेपानी संस्थानको कार्यालय रहेको छ ।

यता खानेपानी संस्थान जनकपुरका प्रमुख शिरीषराज भण्डारीले सडकबाटो बनाउने क्रममा केहि स्थानमा धाराको पाइप काटिएकाले समस्या भएको बताए । सडकबाटो बनाउँदा सम्बन्धित निकायले समन्वय नगर्दा धाराको पाइप काटिने र त्यसमा फोहोर पानी मिसिने गरेको उनको भनाइ छ ।

धारामा दूषित पानी जान नदिन चाँडै पाइप लिक भएको स्थानको मर्मत सम्भार गरी ठीक गर्ने उनले बताए ।

RELATED ARTICLES

Leave a Reply

- Advertisment -
Google search engine

Most Popular

Recent Comments

%d bloggers like this: